Reuters.com
Čynoŭnik nahadaŭ, što na minułym tydni štodnia zatrymlivali dziasiatki — u asobnyja dni da 80 — čałaviek, jakija sprabavali prarvacca ŭ Łatviju. U kancy tydnia situacyja była anałahičnaj. Trafimaŭ adznačyŭ, što ŭ Biełarusi adbyvajecca arhanizavanaje pieramiaščeńnie mihrantaŭ, pakolki inakš niemahčyma rastłumačyć takuju chutkuju pierakidku ludziej u roznyja miescy na miažy.
Kiraŭnik Dziaržaŭnaj pamiežnaj achovy Huncis Pujats na minułym tydni taksama paviedamiŭ deputatam Siejma, što situacyja na miažy abvastryłasia. Patok pravaparušalnikaŭ na miažy Biełarusi ź Litvoj i Polščaj u apošnija dni značna skaraciŭsia, i ciapier Łatvija stanovicca krainaj, suprać jakoj uzmacniajecca cisk nielehalnaj mihracyi.
Pačynajučy z 10 žniŭnia, kali było abvieščanaje nadzvyčajnaje stanovišča, bolš za 3300 čałaviek byli zatrymanyja za niezakonnaje pierasiačeńnie miažy.
