Druhaja patencyjnaja placoŭka — miascovaść kala Žarnavieckaha voziera ŭ tym samym Viejchieroŭskim paviecie, dzie jašče ŭ časy Polskaj Narodnaj Respubliki stancyju ŭžo pačynali budavać. Ale paśla avaryi na Čarnobylskaj AES ad atamnaj enierhietyki Polšča vyrašyła admovicca. Jak akazałasia, tolki časova.
Fota ilustracyjnaje, businessinsider.com.pl
Ciapier padrychtoŭka da pabudovy abjekta idzie poŭnym chodam, i ŭ heta aktyŭna zaanhažavanaja polskaja dziaržava. «Pracujem zhodna z płanam, i vybar miesca dla łakalizacyi stancyi heta paćviardžaje. Polšča maje patrebu ŭ atamnaj enierhietycy, a pabudova pieršaj elektrastancyi hetaha typu ŭ Polščy maje značeńnie dla ŭsioj krainy jak z punktu hledžańnia enierhietyčnaj transfarmacyi, tak i z hledzišča biaśpieki pastavak elektraenierhii», — prakamientavała navinu ministr pa spravach klimatu Anna Moskva.
Zhodna z prahramaj raźvićcia polskaj atamnaj enierhietyki, Polšča płanuje budavać sučasnyja, pravieranyja i bujnyja reaktary typu PWR (reaktar z vadoj pad ciskam). Płanam, raspracavanym da 2040 hoda, praduhledžvajecca, što ŭ 2033 hodzie budzie zapuščany pieršy błok polskaj AES mahutnaściu kala 1—1,6 hihavat. Nastupnyja błoki buduć uvodzicca kožnyja nastupnyja 2—3 hady. Usia prahrama praduhledžvanie pabudovu šaści błokaŭ ahulnaj mahutnaściu da 9 hihavat. Dla paraŭnańnia: płanavanaja mahutnaść Biełaruskaj AES 2,4 hihavata.
U Biełarusi źbirajucca budavać druhuju AES
