Słužba biaśpieki Ukrainy i Instytut nacyjanalnaj pamiaci Polščy padpisali damovu ab supracy ŭ archiŭnaj halinie. Damovu padpisali kiraŭnik SBU Valancin Nalivajčanka i kiraŭnik Instytutu nacyjanalnaj pamiaci Januš Kurtyka, paviedamlaje «Rosbałt».
Hetaja damova źjaŭlajecca čarhovym etapam pa realizacyi ukaza prezidenta Ukrainy «Ab rasakrečvańni, abnarodavańni i vyvučeńni archiŭnych dakumientaŭ, źviazanych z ukrainskim vyzvolnym rucham, palityčnymi represijami i haładamoram va Ukrainie», — paviedamiŭ Nalivajčanka.
«SBU nie baicca niajomkich temaŭ u našaj supolnaj historyi. Šlach da histaryčnaj praŭdy zaŭsiody niaprosty, ale za hetyja hody my razam pieraadoleli šmat ciažkaściej nie tolki ŭ pošuku adpaviednych archiŭnych dakumientaŭ, ale i ŭ raspracoŭkie abjektyŭnaha bačańnia składanych i supiarečlivych staronak našaj historyi», — padkreśliŭ kiraŭnik SBU.
