Fota: murmurash / 34travel.me
Aŭtaram idei i kiraŭnikom prajekta stała aśpirantka histaryčnaha fakulteta Śviatłana Daluk. Jana prapanavała zrabić dastupnaj infarmacyju pa zialonych maršrutach Biełarusi praz anłajn-resurs.
Da ciapierašniaha času padobnych raspracovak u našaj krainie nie było.
Prahrama — svojeasablivaja navihacyja pa ekałahičnych maršrutach z ulikam mahčymaściaŭ i fizijałahičnych asablivaściaŭ turystaŭ. Resurs źmiaščaje padkazki, kamu padydzie taja ci inšaja ściežka: ludziam z parušeńniem zroku ci na kalascy, siemjam ź dziećmi i žyviołami.
Śviatłana Daluk sama praviaraje kožny napramak i paznačaje knopkaj «znak jakaści». Kožnaja ściežka supravadžajecca apisańniem, fatahrafijami i GPS-trekam.
Pa stanu na siońnia baza ŭklučaje bolš za 300 ekałahičnych ściežak i viełamaršrutaŭ pa ŭsich rehijonach krainy. Infarmacyju pra abjekty aśpirantka źbiraje praz zapyty ŭ muziei i pošuki ŭ Internecie. U pierśpiektyvie płanujecca raspracavać aŭdyjahid i ŭklučyć u prahramu sistemu dla raspaznańnia pa śpievach ptušak i śladach žyvioł.
Prosta ciapier dastupnaja beta-viersija prahramy BY Guide na Google Play. A karystalnickaja viersija źjavicca na praciahu studzienia.
Prajekt užo vysoka acanili ekśpierty biźnies-inkubatara Parku vysokich technałohij. Ź listapada minułaha hoda BY Guide atrymaŭ rezidenctva ŭ Startap-centry BDU i zdabyŭ uznaharody na šerahu konkursaŭ startapaŭ.
