Brytanskaja hazieta «The Guardian» sa spasyłkaj na ananimnaha infarmatara z kanadskaha Vitalité Health Network, adnaho z dvuch miascovych apierataraŭ sistemy achovy zdaroŭja, paviedamlaje pra zahadkavaje nieŭrałahičnaje zachvorvańnie, jakoje było zafiksavana ŭ kanadskaj pravincyi Ńju-Branśvik.
Chvaroba, uźniknieńnie jakoj było zafiksavana mienavita ŭ kanadskim Ńju-Branśviku, na praciahu apošniaha hoda ŭsialak analizavałasia navukoŭcami. Niahledziačy na taki doŭhi čas daśledavańnia, jaje pryčyny tak i nie stali zrazumiełymi daktaram.
Simptomami zachvorvańnia źjaŭlajucca prablemy z pamiaćciu, spazmy ŭ ciahlicach, značnaja nieabhruntavanaja strata vahi, bol u kaniečnaściach i halucynacyi.
Pieršapačatkova ličyłasia, što heta pryjonnaje zachvorvańnie, takija patałahičnyja stany ŭźnikajuć u vyniku strukturnaj źmieny narmalnaha pavierchnievaha miembrannaha białku, jaki nazyvajuć kletkavym pryjonnym białkom, čyja dakładnaja funkcyja nieviadomaja. Adnak łabaratornyja testy vyklučyli hetuju hipotezu.
Na siońniašni dzień Upraŭleńnie hałoŭnaha sanitarnaha inśpiektara ŭ Ńju-Branśviku paviedamiła, što tajamničaje zachvorvańnie achapiła 48 čałaviek. Hetaja ličba zastajecca niaźmiennaj z samaha pieršaha aficyjnaha paviedamleńnia pra chvarobu ŭ pačatku viasny 2021 hoda.
Pa dadzienych krynic «The Guardian», kolkaść vypadkaŭ zachvorvańnia moža być značna vyšejšaj. Aficyjnaja statystyka paviedamlaje, što ŭ vyniku nieviadomaha zachvorvańnia zahinuli dzieviać čałaviek.
Chvaroba ŭ adnolkavaj stupieni prajaŭlałasia jak u žančyn, tak i ŭ mužčyn. Pacyjentami źjaŭlajucca ludzi va ŭzroście ad 18 da 85 hadoŭ.
Epidemijałahičnaje daśledavańnie, praviedzienaje Departamientam achovy zdaroŭja Ńju-Branśvika, vyklučyła mahčymaść uźniknieńnia zachvorvańnia praz pavodziny, ekałahičnyja abo charčovyja faktary.
Zhodna z dakumientam, pradstaŭlenym Kanadskaj asacyjacyi nieŭrapatołahaŭ, pamierłym spačatku byŭ niapravilna pastaŭleny dyjahnaz, u ich padazravali chvarobu Alchiejmiera abo rak.
Pa słovach Cima Bici, čyj baćka pamior u 2019 hodzie jakraz ź simptomami nieviadomaj chvaroby, ułady nie prymajuć adekvatnych mier dla razumieńnia hetaj chvaroby.
Pavodle adnoj z hipotez, paharšeńnie zdaroŭja moža być źviazana z vysokim uzroŭniem beta-mietyłaminu-L-ałaninu (BMAA). Vysokaja kancentracyja hetaj aminakisłaty charakternaja dla amaraŭ, jakija źjaŭlajucca adnym z asnoŭnych praduktaŭ miascovaj rybałoŭnaj pramysłovaści.
Choć Bici nastojvaŭ na ekshumacyi cieła svajho baćki z metaj adšukać ślady BMAA ŭ pareštkach, jaho prośbu miascovyja ŭłady nie zadavolili.
Čałaviek pamior paśla taho, jak zanadta chutka vypiŭ paŭtara litra koka-koły. Tłumačym čamu
Niedachop vitaminu B12 — skrytaja pryčyna šmat jakich chvarob
