U svajoj skarzie «Biełaruśkalij» patrabuje admianić pastanovu ŭrada Litvy i papiaredniaje rašeńnie Kamisii pa razhladzie ździełak stratehična važnych dla ekanomiki krainy pradpryjemstvaŭ, na padstavie jakich z 1 lutaha Litoŭskaja čyhunka skasoŭvaje kantrakty ź biełaruskaj kampanijaj, paviedamiŭ vydańniu pradstaŭnik Vilenskaha Akruhovaha administracyjnaha suda Aŭdrys Kutrevičus, paviedamlaje Zerkalo.io.
Nahadajem, paśla ŭviadzieńnia sankcyj suprać Minska zachodnimi krainami Litva pryniała rašeńnie skasavać kantrakt na pieravozku biełaruskaha kaliju Litoŭskaj čyhunkaj, spasyłajučysia na toje, što pahadnieńnie pamiž LTG Cargo i biełaruskim hihantam pa vytvorčaści uhnajeńniaŭ «Biełaruśkalij» nie adpaviadaje intaresam nacyjanalnaj biaśpieki.
Adnak skasavańnie kantrakta, ab jakim zajaviła Vilnia, nie aznačaje, što tranzit kalijnych uhnajeńniaŭ praź Litvu spynicca. Reč u tym, što litoŭskija ŭłady nie zabaranili padavać zajaŭki na tranzit biełaruskich uhnajeńniaŭ u daččynaje pradpryjemstva LTG Cargo inšym kampanijam. Akramia taho, zajaŭka na transparciroŭku ŭhnajeńniaŭ moža pastupić nie ad samoha «Biełaruśkalija», a ad inšych kontrahientaŭ. Hetyja dźvie ŭmovy vyhladajuć jak najaŭnaść mahčymaści lehalna praciahvać tranzit biełaruskich kalijnych uhnajeńniaŭ praź litoŭskuju terytoryju. Sapraŭdy, takija zajaŭki LTG Cargo atrymała - ad «Biełaruskaj kalijnaj kampanii» (BKK), «Bielintertransa» i «Biełkalij-Mihaa». Ale ŭsie jany byli adchilenyja.
Čytajcie taksama:
Ministr zamiežnych spraŭ Litvy: Ryzyki, što tranzit biełaruskich kalijnych uhnajeńniaŭ budzie praciahnuty, likvidavanyja
Litoŭskaja čyhunka nie budzie pieravozić uhnajeńniaŭ «Biełaruśkalija»
Try kampanii źviarnulisia da Litoŭskaj čyhunki, kab pieravozić biełaruski kalij u abychod sankcyj. Što pra ich viadoma?
«Hrošaj dla padtrymki zarpłat biudžetnikam nie budzie». Jak spynieńnie tranzitu kaliju paŭpłyvaje na ekanomiku
