Hanna razam sa školnicaj Ullanaj (Atesta) i studentam Stefanam zapisali trek pad nazvaj «Biełarusica». Animavany klip dla pieśni zrabiła vizualnaja mastačka @mus4getes. Ideja klipa naležyć paetu i muzyku Alesiu Płotku.
«Niachaj skaža jana, dzie tut Kołas, dzie Kupała, čamu adzin vyžyŭ, a druhoha nie stała. Ci šyrokija parenčy ŭ toj kamiennaj leśvicy, kudy abapiercisia, adno što paviesicca», — śpiavajecca ŭ pieśni, u jakoj taksama pryvodziacca i radki ź litaraturnych tvoraŭ.
Jość tam i takija słovy: «Čamu čyrvony miesiac pakidaje sini bor, Čym pachnie čabor, čym pachnie čabor»?
«Nu što ž, klip «Biełarusica» užo na Jutubie, i ŭ im jość bieźlič adsyłak da biełaruskich knižak — i adna hramatyčnaja pamyłka:)) Pa nastaŭnickaj zvyčcy zrobim vyhlad, što jana tam śpiecyjalna — kab vy zaŭvažyli, vypravili i nikoli tak nie rabili:)) Krychu paźniej ja vykładu śpis usich tvoraŭ, jakija zhadvajucca ŭ klipie, a pakul što pišycie, chto što pabačyŭ», — napisała Hanna Sieviaryniec u Fejsbuku.
