«Nabližajecca čas, kali možna znoŭ «adkryvać «Šviecyju», — adznačyła premjer Mahdalena Andersan.
«My možam pačać viartacca da narmalnaha žyćcia. Ale ŭrad praciahnie pilna sačyć za tym, jak dalej budzie raźvivacca pandemija», — adznačyła ministr achovy zdaroŭja i sacyjalnych pytańniaŭ Lena Chalenhren.
U dalejšym zachoŭvajecca rekamiendacyja zastavacca doma i paźbiahać kantaktaŭ ź inšymi ludźmi, kali čałaviek maje simptomy, padobnyja na simptomy Covid-19.
Asobam, jakija pa peŭnych pryčynach nie pryščeplenyja, rekamiendujecca paźbiahać znachodžańnia siarod vialikaj kolkaści ludziej.
Z 9 lutaha pierastajuć dziejničać rekamiendacyja pa maskach ŭ hramadskim transparcie pry najaŭnaści vialikaj kolkaści pasažyraŭ, rekamiendacyja dystancyjnaj pracy i «hibrydnaha» farmatu navučańnia dla studentaŭ, rekamiendacyja dla arhanizacyj i ustanoŭ paźbiahać vialikich masavych mierapryjemstvaŭ unutry pamiaškańniaŭ.
2 lutaha ŭ Šviecyi z nasielnictvam kala 10 młn paviedamili ab zvyš čym 39 tysiačach novych zaražeńniaŭ i 67 śmierciach siarod chvorych na kavid.
Bolš 83% darosłych u krainie całkam vakcynavanyja ad karanavirusa i ŭžo amal 50% atrymali treciuju dozu. Z ulikam padletkaŭ, u krainie całkam pryščeplenyja 86,5% nasielnictva va ŭzroście ad 12 hadoŭ.
Na dniach ab poŭnaj abo amal poŭnaj admienie abmiežavańniaŭ abviaścili taksama susiednija Danija, Narviehija i Finlandyja.
