Napad čakajecca ŭ lutym ci ŭ sakaviku, a sam płan zachopu Ukrainy składajecca z troch etapaŭ:
1) Razhrom ukrainskaj armii i zachop klučavych haradoŭ Ukrainy;
2) Sklikańnie «narodnaj rady», u jakuju ŭvojduć palityčnyja siły, što simpatyzujuć Rasii. Mienavita imi budzie abrany novy ŭrad Ukrainy;
3) novyja ŭłady abvieściać nadzvyčajnaje stanovišča, a aktyŭnyja praciŭniki prarasijskaha režymu buduć adpraŭlenyja ŭ śpiecyjalnyja łahiery. Pratesty buduć padaŭlacca pa biełaruskaj schiemie 2020 hoda.
Kančatkovaj metaj rasijskaj apieracyi źjaŭlajecca stvareńnie «sajuznaj dziaržavy» Rasii, Biełarusi i Ukrainy.
Historyk i palityčny ahladalnik Alaksandr Frydman, kamientujučy publikacyju pa haračych śladach, adznačaje:
«Płan vyhladaje vielmi fantastyčna, ale sprava navat nie ŭ jaho (nie)praŭdapadobnaści. Jon budzie, napeŭna, aktyŭna abmiarkoŭvacca ŭ najbližejšyja dni, a Rasii ŭ čarhovy raz pryjdziecca apraŭdvacca i zajaŭlać ab adsutnaści płanaŭ napadu na Ukrainu. Heta, mahčyma, i jość asnoŭnaja meta publikacyi».