Toj samy «źliŭ».
Ale sami «hołasaŭcy» hetaha nie paćviardžajuć. Stvaralnik «Hołasa» Pavieł Libier napisaŭ u siabie ŭ Tvitary:
«Narešcie prajaśniłasia, čamu śpiecyjalisty režymu ŭsio jašče za hadzinu nie złamali «Hołas». Tut vykłali piaty na majoj pamiaci «ŭzłom bazy i adminaŭ» i napisali, što ŭsich pakarajuć za «brudnyja kamientary i źliŭ słužbovaj infarmacyi». Jany, padobna, dumajuć, što «Hołas» — heta hrupavy čat )».
Inšy prahramist, Pavieł Piatruša, jaki fihuravaŭ u «źlitym» śpisie «adminaŭ», taksama abvierh infarmacyju:
«Da «Hołasa» hety źliŭ dačynieńnia nie maje. Było zatrymańnie mianie 8 žniŭnia 2020 hoda pa linii naziralnikaŭ i dopyt u prakuratury, u śpisie ja z tych časoŭ».
Pavodle infarmacyi Antona Matolki, na skrynšocie mohuć być ludzi, jakija mieli dačynieńnie da čata «Sumlennych ludziej» z kaardynatarami/naziralnikami pa Minsku i Minskaj vobłaści. Častka ludziej z hetaha śpisu vyklikali ŭ prakuraturu da 9 žniŭnia 2020 hoda pa administratyŭnaj spravie, jakaja zatym była zakrytaja.
Infarmacyja pra «ŭzłom» płatformy źjaŭlajecca nie pieršy raz. U krasaviku minułaha hoda ŭ adnym z tielehram-kanałaŭ źjaviłasia infarmacyja, što baza źviestak płatformy «Hołas» vystaŭlenaja na prodaž. Ale raspracoŭščyki sistemy skazali adrazu ž, što heta fejk.
