Fota: Depositphotos.com
Havorka idzie ab vykradzienych u 2016 hodzie 119 754 bitkojnach. Ich ahulny košt aceńvajecca ŭ $4,5 młrd, adnak apieratyŭnikam udałosia zabrać tolki 94 tys. bitkojnaŭ na sumu $3,6 młrd.
Pavodle infarmacyi suda, Lichtenštejn abvinavačvajecca ŭ tym, što ŭ 2016 hodzie uzłamaŭ sistemy Bitfinex i inicyjavaŭ bolš za 2 tys. niesankcyjanavanych tranzakcyj. Pry hetym admyć za apošnija piać hadoŭ para paśpieła kala 25 tys. vykradzienych bitkojnaŭ.
Sud abvinavaciŭ Lichtenštejna i Morhan u dvuch zmovach — u metach admyvańnia hrošaj i padmanu Złučanych Štataŭ, za jakija ŭ sukupnaści praduhledžana pakarańnie ŭ vyhladzie 25 hadoŭ pazbaŭleńnia voli.
Pa źviestkach viedamstva, kanfiskavanaja suma ŭ bitkojnach stała rekordnaj u historyi Złučanych Štataŭ.
