Fota Radyjo Svaboda
Češskaja Respublika vyrašyła pavysić uzrovień svajho dypłamatyčnaha pradstaŭnictva ŭ Biełarusi.
Spadar Iržy Karas, jaki źjaŭlaŭsia Časovym Pavieranym u spravach Češskaj Respubliki, byŭ pryznačany Nadzvyčajnym i Paŭnamocnym Pasłom Češkaj Respubliki ŭ Biełarusi.
Da vykanańnia funkcyj pasła jon prystupić paśla pieradačy davierčych hramataŭ prezidentu Biełarusi.
Biełaruś i Čechija ŭstalavali dypłamatyčnyja stasunki ŭ 1993 h. U 1994 h. było adčyniena pasolstva Čechii ŭ Minsku. Kolkaść supracoŭnikaŭ pasolstva była pavialičanaja ŭ 2000 h., kali pamiž Biełaruśsiu i Čechijaj byŭ uviedzieny vizavy režym, paviedamlaje Radyjo Svaboda.
Karas pracavaŭ u Minsku ad 2007 konsułam u češskim pasolstvie ŭ Minsku. U lipieni 2008 h. byŭ pryznačany časovym pavieranym u lipieni 2008 h.
***
Iržy Karas naradziŭsia 30 lipienia 1942 hoda. U 1968 hodzie zakončyŭ ekanamičny fakultet Sielskahaspadarčaha instytuta ŭ Prazie. U 1975 hodzie za «antysavieckuju i antysacyjalistyčnuju dziejnaść» byŭ vyklučany z Karłava univiersiteta, dzie zavočna vučyŭsia na jurydyčnym fakultecie. Vučobu zakončyŭ u 1990 hodzie, u 1991 — atrymaŭ stupień doktara.
U 1990—2006 hadach byŭ členam Pałaty deputataŭ parłamienta Čechii ad Chryścijanska‑demakratyčnaj unii — Čechasłavackaj narodnaj partyi. Uvachodziŭ u skład mižnarodnaha kamiteta, pracavaŭ namieśnikam staršyni pastajannaj delehacyi češskaha parłamienta ŭ Parłamienckaj asamblei ABSIE i staršynioj padkamiteta pa suviaziach z suajčyńnikami PA ABSIE.
U 2006 hodzie staŭ dziaržaŭnym daradcam u Ministerstvie zamiežnych spraŭ Čechii.
Vałodaje ruskaj, niamieckaj, anhlijskaj i francuzskaj movami.
