U aeraporcie Natallu Chierše sustrakała i pravadžała pasoł Šviejcaryi Kryścin Chonehier-Załatuchin. Koštam vyzvaleńnia Chierše stała ŭručeńnie davierčych hramat pasłom.
Hramadzianka Šviejcaryi praviała za kratami 17 miesiacaŭ. Ëj zastavałasia adbyć jašče 13 miesiacaŭ źniavoleńnia.
Prosta z turmy jaje pryvieźli ŭ aeraport, jana vylecić u Šviejcaryju.
Čytajcie taksama: «U aeraport pryvieźli ŭ turemnaj robie». Brat palitźniavolenaj Chierše pra jaje vyzvaleńnie
Nahadajem, što niadaŭna heta kraina pryznačyła pasła ŭ Biełarusi. Kryścin Chonehier-Załatuchin uručyła Uładzimiru Makieju kopii davierčych hramat. Šviejcarskaje MZS nie ličyć hety žest pryznańniem lehitymnaści Łukašenki. Raniej ambasadary jeŭrapiejskich krain admaŭlalisia ŭručać davierčyja hramaty, demanstrujučy tym samym niepryznańnie vynikaŭ vybaraŭ 2020 hoda.
Koštam vyzvaleńnia zakładnicy Chierše stała, takim čynam, uručeńnie davierčych hramat pasłom.
Natallu Chierše zatrymali 19 vieraśnia 2020 hoda, jana sarvała bałakłavu z amapaŭca, jaki zatrymlivaŭ žančyn na maršy za svabodnyja vybary. Paźniej jaje asudzili da 2,5 hoda kałonii.
