UNIAN
«My vielmi rady daviedacca pra toje, što našy sabraty žyvyja i ź imi ŭsio dobra», — skazana ŭ paviedamleńni, jakoje pieriedaje UNIAN.
U VMS zajavili, što rasijskaja prapahanda sprabuje raskrucić «navinu» pra toje, što nibyta ŭłady Ukrainy «zabylisia», «pachavali» svaich padnačalenych.
«Pry hetym marpiechi śmieła dvojčy adbili napady. Z-za niedachopu bajavoha kamplektu jany nie zmahli praciahnuć abaronu vostrava», — skazana ŭ paviedamleńni.
U VMS dadali, što zachopniki «zabylisia» paviedamić pra toje, što jany całkam razburyli infrastrukturu vostrava: majak, vyški, anteny i inšaje. Adpaviedna, suviaź sa Źmiainym była pierapynienaja. Šmatrazovyja sproby źviazacca z asabistym składam i daviedacca pra jaho los byli marnymi, a pastajannyja abstreły z boku bajavych karabloŭ i avijacyi RF nie dazvolili dastavić padmohu.
24 lutaha ŭkrainskija ŭłady paviedamili, što rasijskija vojski zachapili ŭkrainski vostraŭ Źmiainy ŭ Čornym mory, u vyniku čaho zahinuła 13 pamiežnikaŭ. Da vostrava padyšli dva rasijskija vajennyja karabli, krejsier «Maskva» i patrulny karviet «Vasilij Bykaŭ», i prapanavali bajcam Izmailskaha pamiežnaha atrada, jakija byli raźmieščanyja na vostravie, zdacca. Jany admovilisia, adkazaŭšyi: «Ruski vajenny karabiel, idzi na ***».
