Sumiesnymi namahańniami kampanij Cygnal (ZŠA), Grades Research (Ukraina) i Response:AI (Čechija) było apytana bolš za 3500 hramadzian Ukrainy, Vialikabrytanii, ZŠA i krain Jeŭrasajuza. Jak pakazali vyniki daśledavańnia, hramadstva zachodnich krain u pieravažnaj bolšaści vykazvajecca za pavieličeńnie finansavaj dapamohi i dapamohi va ŭzbrajeńni Ukrainie.
75% jeŭrapiejskich respandentaŭ padtrymlivajuć nadańnie finansavaj dapamohi, 62% — za pastaŭku zbroi, 46% — za zabaronu palotaŭ i 38% vykazalisia za dałučeńnie da vajennaha adkazu.
U toj ža čas amal stolki ž, 37% apytanych, vystupajuć suprać luboha vajennaha ŭdziełu krain u kanflikcie.
Što tyčycca pavietranaj i naziemnaj padtrymki Ukrainy ŭ baraćbie z Rasijaj, to 89% respandentaŭ z Ukrainy vykazalisia za «zakryćcio nieba» z dapamohaj NATA. U ZŠA, Vialikabrytanii i ES prychilnikaŭ takoj idei, adpaviedna, 45%, 46% i 46%. Suprać adpaviedna 20%, 20% i 17% apytanych.
