Fota: t.me/lvivych_news
Kiraŭnik Lvoŭskaj abłasnoj dziaržadministracyi Maksim Kazicki paviedamiŭ:
«Akupanty zrabili avijaŭdar pa mižnarodnym centry miratvorčaści i biaśpieki. Pa papiarednich dadzienych, jany vypuścili 8 rakiet. Infarmacyja pra paciarpiełych vyśviatlajecca».
Fota: t.me/lvivych_news
Mižnarodny centr miratvorčaści i biaśpieki (faktyčna vajskovy palihon) znachodzicca ŭ horadzie Javaraŭ u Lvoŭskaj vobłaści. Heta 50 km ad Lvova i 20 — ad miažy z Polščaj. Upieršyniu niepasrednyja vajennyja dziejańni nablizilisia nastolki blizka ad miežaŭ NATA.
Pavodle infarmacyi pradstaŭnika akademii Suchaputnych vojskaŭ USU Miranoviča, rakietny ŭdar zrabili pa adnoj z vajskovych čaściej. Pa papiarednich dadzienych, zahinułych niama, udakładniajecca infarmacyja pra traŭmavanych dy paranienych. Peŭnuju rolu adyhrała SPA, jakaja źbiła prynamsi adnu rakietu.
Taksama vybuchi hučali zranku ŭ Ivana-Frankoŭsku. Pavodle papiaredniaj infarmacyi, abstralali miascovy aeraport. Ciapier vyśviatlajucca detali.
Udarami pa zachodnieŭkrainskich abjektach rasijanie sprabujuć pakazać, što ŭ ciapierašniaj Ukrainie niama nivodnaj spakojnaj i biaśpiečnaj kropki. Pra heta zajaviŭ daradca kiraŭnika ŭkrainskaha MUS Vadzim Dzienisienka padčas telemarafona.
