Matevuš Maraviecki. Fota: Agencja.pl.
Premjery Litvy i Polščy Inhryda Šymanicie dy Matevuš Maraviecki prysutničali vočna, kiraŭnik ukrainskaha ŭrada Dzianis Šmyhal dałučyŭsia da ich pa videasuviazi.
«Zaklikajem adsiul, z Varšavy, z karaleŭskaha zamka ŭ Varšavie, paśla sustrečy našaha Lublinskaha trochkutnika: zamaroźcie aktyvy rasijskaj dziaržavy całkam, kanfiskujcie hetyja aktyvy, zamaroźcie aktyvy rasijskich aliharchaŭ, vialikich i małych, biznesoŭcaŭ, palitykaŭ i inšych. Chaj jany słužać tym niavinnym ludziam, na jakich napali, chaj jany słužać adnaŭleńniu», — skazaŭ Maraviecki.
Pavodle jaho słoŭ, dziejańni pavinny być efiektyŭnymi, kab nanosić škodu vajennaj mašynie RF. Jon adznačyŭ, što Jeŭropa ŭžo pryznała pamyłkaj raniejšuju palityku ŭ adnosinach z Rasijaj.
Polski premjer zajaviŭ, što jaho kraina znachodzicca ŭ avanhardzie baraćby za niezaležnaść Ukrainy, akazvajučy humanitarnuju dapamohu i zaklikajučy ES da adzinstva.
Maraviecki dadaŭ, što idzie praca nad čaćviortym pakietam sankcyi. Abmiežavalnyja miery buduć uvodzicca, pakul apošni rasijski sałdat nie pakinie ŭkrainskaj ziamli.
Jon vykazaŭsia za stvareńnie dla Ukrainy pracedury, jakaja zabiaśpiečyć vyraznyja jeŭrapiejskija pierśpiektyvy. Na dumku Maravieckaha, na adnaŭleńnie krainy pavinny być nakiravanyja srodki, zamarožanyja i kanfiskavanyja ŭ Rasii.
