Fota: E. Blaževič/LRT
Renault kantraluje «AŭtaVAZ», a taksama maje ŭłasny zboračny zavod pad Maskvoj.
«Što tyčycca doli ŭ Aŭtavazie, Renault Group aceńvaje dastupnyja varyjanty z ulikam biahučaj situacyi, dziejničajučy pry hetym adkazna ŭ dačynieńni da svaich 45 000 supracoŭnikaŭ u Rasii», — havorycca ŭ zajavie kampanii.
Raniej Renault zastaŭsia adzinym bujnym suśvietnym aŭtavytvorcam, jaki nie adrazu spyniŭ prodažu ŭ Rasii i mieŭ namier zachavać vytvorčaść u krainie. Ale ciapier Rasija kraina nastolki «taksičnaja», što ŭsie prybytki ad supracoŭnictva ź joj pierakryvajucca bujnymi reputacyjnymi stratami.
Siońnia prezident Ukrainy Uładzimir Zialenski źviarnuŭsia da parłamienta Francyi i zaklikaŭ francuzskija kampanii, u pryvatnaści Renault, syści z rasijskaha rynku. Jak vyhladaje, kampanija paličyła za lepšaje prysłuchacca.
