Vasil Sokał «Na chvalach času (letapis)». — Minsk: Miedysont, 2008. — 198 s.
Aŭtar, uradženiec Lachavickaha rajona, apisaŭ amal šeśćdziesiat hadoŭ — 1928—1986 — z žyćcia rodnaj vioski Zubielevičy i jaje navakolla. Heta pohlad vačyma «zachodnika». Admietnaść knihi ŭ tym, što aŭtar piša pra padziei, śviedkam jakich jon sam byŭ. Najbolš uvahi Vasil Sokał nadaje 1940‑m hadam. Bo heta čas, nasyčany padziejami. «Vyzvaleńnie» Zachodniaj Biełarusi, Druhaja suśvietnaja vajna, na jakoj i sam vajavaŭ. «Viartańnie balšavikoŭ» paśla vyhnańnia «karyčnievych pryšelcaŭ», stvareńnie «rabskich kalektyŭnych stojłaŭ»(kałhasaŭ). Heta nie dziońnikavyja zapisy, chacia kniha i nie pazbaŭlena asabistaha. Aŭtar piša pra pryvatnaje ŭ kanteksie ahulnabiełaruskich padziej.
Vasil Sokał (1921—2002) pachodziŭ ź vioski Zubielevičy ŭ Lachavickim rajonie. Padčas Druhoj suśvietnaj vajny byŭ na froncie. U mirny čas vučyŭsia ŭ Baranavickim nastaŭnickim instytucie i fiłfaku BDU. Pracavaŭ nastaŭnikam u viaskovych škołach.
Kniha «Na chvalach času» vyjšła ŭ biblijatecy «Dyjaryuša».
