Za apošniuju dvanaccacihadzinnuju źmienu pamiežniki prapuścili praz hety pamiežny pierachod 141 mašynu z hruzam. Standart ža dla hetaha pierachodu składaje ad 250 da 300 hruzavikoŭ za źmienu.
Polskija słužby tłumačać, što takaja kolkaść hruzavikoŭ, jakija padlahajuć praviercy, źviazanaja z tym, što pravierki zajmajuć bolš času z-za ekanamičnych sankcyj Jeŭrasajuza i zabarony na ŭvoz niekatorych tavaraŭ u Rasiju paśla pačatku jaje ahresii suprać Ukrainy.
Polskaja mytnaja słužba nie tolki praviaraje dakumienty, ale i fizična dahladaje hruzaviki, jakija iduć na ŭschod, kab pierakanacca, što tam sapraŭdy znachodziacca tavary, zajaŭlenyja ŭ dakumientach. Dla hetaha taksama vykarystoŭvajucca renthienaŭskija skaniery.
Na inšym polskim pamiežnym pierachodzie ŭ Kukurykach čas čakańnia ŭjezdu dla hruzavoha transpartu mienšy, ale taksama značny — 40 hadzin. Jašče niadaŭna tam prachodzili akcyi pratestu.
Uvohule ž doŭhija čerhi z hruzavikoŭ u Babroŭnikach stali ŭtvaracca z 9 listapada 2021 hoda, kali z-za situacyi ź mihrantami na niavyznačany termin byŭ prypynieny ruch na susiednim punkcie propusku ŭ Kuźnicy.
Čytajcie taksama:
Polšča i krainy Bałtyi zaklikali ES zabaranić pieravozku biełaruskich i rasijskich hruzaŭ u Jeŭropie
U polskim Karoščynie kiroŭcy 15 hadzin čakajuć ujezdu ŭ Biełaruś
