Miascovy kiraŭnik uručyŭ Hrybavu ŭznaharodu «Za zasłuhi pierad Čarkaščynaj», padkreśliŭšy: «Čarkaščanin razam z pabracimami prademanstravali ŭsiamu śvietu ćviordaść i moc ukrainskaha duchu, našu niazłomnaść».
24 lutaha ŭkrainskija ŭłady paviedamili, što rasijskija vojski zachapili ŭkrainski vostraŭ Źmiainy ŭ Čornym mory, u vyniku čaho zahinuła 13 pamiežnikaŭ. Da vostrava padyšli dva rasijskija vajennyja karabli, krejsier «Maskva» i patrulny karviet «Vasil Bykaŭ», i prapanavali bajcam Izmailskaha pamiežnaha atrada, jakija byli raźmieščanyja na vostravie, zdacca. Jany admovilisia, adkazaŭšy: «Ruski vajskovy karabiel, idzi na ***».
Niejki čas ličyłasia, što ŭsie abaroncy vostrava Źmiainy zahinuli, pra heta ŭ adnym z vystupleńniaŭ skazaŭ navat sam prezident Ukrainy Uładzimir Zialenski. Ale praź niekalki dzion vyśvietliłasia, što nasamreč vajskoŭcy patrapili ŭ pałon.
A fraza, jakoj Raman Hrybaŭ adkazaŭ na prapanovu rasijan zdacca dobraachvotna, pajšła ŭ narod i jaje ciapier viedajuć nie tolki va Ukrainie, ale taksama i daloka za jaje miežami. Jana adkryta ci zavualavana prysutničaje na mnohich art-abjektach u roznych kutkach śvietu, a «Ukrpošta» navat raspracavała tematyčnuju paštovuju marku.
Čytajcie taksama:
Ukrainskaja pošta vyznačyłasia, jak budzie vyhladać marka «Ruski karabiel, idzi ***!»
Ukrainskija vajskoŭcy z vostrava Źmiainy žyvyja i znachodziacca ŭ pałonie
