Fota: onet.pl / nexta_tv / Twitter
Niamiecki telekanał ZDF apublikavaŭ šakujučy rolik z zapisam taho, jak rasijskija sałdaty zastrelili mirnaha žychara, jaki padniaŭ abiedźvie ruki. Incydent trapiŭ na kadry, jakija zdymaŭ dron nazirańnia.
Usio zdaryłasia poźniaj ranicaj 7 sakavika, na šašy E40, u niekalkich kiłamietrach na zachad ad Kijeva. Na zapisie bačny tank z charakternaj dla rasijskaj techniki markiroŭkaj i ŭzbrojenyja sałdaty, što stajać la darohi. Za niekalki dziasiatkaŭ mietraŭ ad ich zdaryłasia avaryja.
Niekalki mašyn, što jechali ŭ tym kirunku, vyrašyli raźviarnucca. Ale adzin kiroŭca, 31-hadovy Maksim Iavienka, spyniŭsia kala miesca avaryi. Jon vyjšaŭ z mašyny z padniatymi rukami i byŭ zastreleny. Žonka mužčyny taksama zahinuła.
Baćka zahinułaha, Siarhiej Iavienka, raspavioŭ žurnalistam padrabiaznaści historyi. Zhodna ź im, usio pačałosia z taho, što ruskija abstrelvali mašyny, i tamu jaho syn vyrašyŭ spynicca. Sałdaty trapili ŭ žonku Maksima, jakaja siadzieła na zadnim siadzieńni i prykryvała saboj ich syna, jany zastrelili jaje. Znajomaja siamji, što jechała razam ź imi, taksama była paranienaja.
Paśla hetaha Maksim vyjšaŭ z mašyny, padniaŭ ruki i zakryčaŭ: «Nie stralajcie, u mašynie dzieci!». Paśla hetaha zastrelili i jaho. Ruskija zabrali z mašyny syna Maksima i znajomuju siamji, ale paźniej ich adpuścili.
Pa stanie na siaredzinu sakavika Siarhiej Iavienka ŭsio jašče nie moh atrymać ad rasijskich sałdat cieły svajho syna i jaho žonki.
Čytajcie taksama:
Jak ciapier vyhladaje vyzvaleny ŭkrainskaj armijaj horad Traścianiec FOTY
Amierykanskaja raźviedka ŭžo naziraje advod častki rasijskich vojskaŭ ad Kijeva
