«U apošni čas na «Vikipiedyi» stali masava raźmiaščacca materyjały, jakija raspaŭsiudžvajuć niedakładnuju infarmacyju pa tematycy śpiecyjalnaj vajennaj apieracyi na Ukrainie i dziejańniach Uzbrojenych sił RF. «Vikipiedyja» stała novaj linijaj pastajannych infarmacyjnych atak na rasijan», — zajavili ŭ Raskamnahladzie.
U paniadziełak pradstaŭniki resursa zajavili, što Raskamnahlad zapatrabavaŭ vydalić infarmacyju ź piaci artykułaŭ pra vajnu: «Bitva za Kijeŭ (2022)», «Vajennyja złačynstvy ŭ pieryjad uvarvańnia Rasii va Ukrainu», «Abstreł balnicy ŭ Maryupali», «Razbureńnie Maryupalskaha teatra (2022)» i «Raźnia ŭ Bučy».
Jakuju mienavita infarmacyju nieabchodna vydalić, viedamstva nie ŭdakładniała. Raniej Raskamnahlad užo dvojčy patrabavaŭ ad «Vikipiedyi» vydalić materyjały pra rasijskaje uvarvańnie z-za vykarystańnia słoŭ «vajna», «uvarvańnie», «ahresija».
