Hienierał Mark Mili, staršynia Abjadnanaha kamiteta načalnikaŭ štaboŭ uzbrojenych sił ZŠA. Fota: AP
Uzbrojenaje ŭvarvańnie Rasii va Ukrainu «źjaŭlajecca najbolš surjoznaj pahrozaj miru i biaśpiecy ŭ Jeŭropie i, mahčyma, va usim śviecie za ŭsiu maju 42-hadovuju karjeru va ŭzbrojenych siłach ZŠA», zajaviŭ hienierał Mark Mili.
«Złučanyja Štaty znachodziacca ŭ vielmi važnym histaryčnym i hieastratehičnym pavarotnym momancie.
My akazvajemsia ŭ śviecie, jaki stanovicca bolš niestabilnym, i patencyjał značnaha mižnarodnaha kanfliktu pamiž vialikimi dziaržavami raście, a nie źmianšajecca», — skazaŭ Mili.
Rasija, zaznačyŭ Mili, «zachoŭvaje bujny i raznastajny jadzierny patencyjał, kab pahražać ZŠA» i ich sajuźnikam.
«My čuli vielmi pravakacyjnuju rytoryku adnosna ŭzroŭniu bajavoj hatoŭnaści rasijskich jadziernych sił», — skazaŭ staršynia kamiteta.
Jon dadaŭ, što Rasija nieadnarazova demanstravała svaju zdolnaść i žadańnie ažyćciaŭlać «kompleksnyja i złamysnyja dziejańni ŭ kibierprastory».
Akramia taho, jak miarkuje Mili, rasijskaje ŭvarvańnie va Ukrainu stvaryła «niebiaśpiečny histaryčny pavarotny momant».
Mili pieraściaroh, što było b niapravilnym čakać chutkaha zaviaršeńnia kanfliktu va Ukrainie.
«Ja liču, što heta zaciažny kanflikt, jaki budzie vymiaracca hadami. Nie viedaju, ci možna kazać pra dziesiacihodździe, ale niekalki hadoŭ — heta ŭžo dakładna, — skazaŭ jon. — Ja dumaju, što ZŠA, NATA, Ukraina i ŭsie sajuźniki i partniory, jakija jaje padtrymlivajuć, buduć uciahnutyja ŭ heta na praciahu doŭhaha času».
Ministr abarony ZŠA Łłojd Ościn, jaki vystupaŭ razam ź Mili na słuchańniach, nazvaŭ RF «vostraj pahrozaj» dla ZŠA.
Adnak u cełym, na dumku Mili, hałoŭnym «hieastratehičnym vyklikam» dla ZŠA ŭ doŭhaterminovaj pierśpiektyvie zastajecca Kitaj. KNR praciahvaje raźvivać svoj patencyjał u roznych halinach i «kožny dzień pracuje nad skaračeńniem technałahičnaha razryvu z ZŠA».
«Kali kazać koratka, to jany pa-raniejšamu poŭnyja rašučaści karennym čynam pierahledzieć mižnarodny paradak na svaju karyść da siaredziny stahodździa. Jany majuć namier stać roŭnym supiernikam ZŠA ŭ vajennym płanie da 2035 hoda, jany majuć namier raźvić svoj vajenny patencyjał, kab zachapić Tajvań da 2027 hoda», ‒ pieraściaroh Mili.
«Tam, dzie Rasija ŭjaŭlaje saboj vostruju pahrozu, KNR źjaŭlajecca hieastratehičnym vyklikam dla našaj nacyjanalnaj biaśpieki ŭ doŭhaterminovaj pierśpiektyvie», — padkreśliŭ hienierał.
Jon ukazaŭ, što vielmi važna praciahvać padtrymlivać adnosiny z KNR navat va ŭmovach kankurencyi, «nie dazvalajučy im pieraraści ŭ kanflikt».
«Vajna z KNR nie źjaŭlajecca niepaźbiežnaj,» — padsumavaŭ Mili.
