Adździaleńnie Rajfajzen-banka ŭ Ivana-Frankoŭsku. Fota: Vikipiedyja
Hramadzianin Biełarusi pracavaŭ va ŭkrainskim ofisie mižnarodnaj IT-kampanii. U kancy lutaha jamu, jak i inšym biełarusam i rasijanam, zabłakavali rachunki. U chłopca byli «zamarožanyja» aščadžeńni ŭ «Rajfajzen-Banku».
Jamu daviałosia znoŭ aformicca na pracu ŭ biełaruski ofis, kab była mahčymaść atrymlivać hrošy. Evakujavacca, na ščaście, nie pryjšłosia: niezadoŭha da pačatku vajny chłopiec časova pajechaŭ u Minsk. Płanavaŭ viarnucca, ale nie skłałasia.
Kab razmarozić hrošy, ajcišnik praz opcyju padtrymki ŭ mabilnym dadatku banka damohsia asabistaha razhladu svajho pytańnia.
«Ale sprava ź miortvaj kropki nie zrušyłasia, — raskazaŭ jon dev.by. — Ja napisaŭ doŭhi list i prykłaŭ dakumienty: pašpart, VNŽ, pracoŭnuju damovu z ukrainskaj kampanijaj, dazvoł na pracu, kartu płacielščyka padatkaŭ, strachoŭku.
Adkaz byŭ, kali ścisła, taki: dla razmarozki rachunku treba albo mieć dazvoł na PMŽ va Ukrainie, jaki atrymać vielmi składana, a ŭ biahučaj situacyi prosta niemahčyma, albo žyć hod i bolš u luboj krainie, akramia Biełarusi i Rasii. I sabrać takuju kuču dakumientaŭ ab pražyvańni ŭ hetaj krainie, što hałava idzie kruham».
Pieralik dakumientaŭ, jakija prapanavali sabrać:
- Pašpart z adznakami ab pierasiačeńni miažy krainy, zajaŭlenaj asobaj jak kraina jaho pastajannaha miesca žycharstva, na padstavie jakich mahčyma paličyć termin pražyvańnia ŭ takoj krainie;
- Kopii papiarednich paśviedčańniaŭ na časovaje pražyvańnie (u dokaz taho, što pražyvańnie nie ŭ Rasii abo Biełarusi doŭžyłasia 1 hod i bolš);
- Dakumient, jaki paćviardžaje rehistracyju PMŽ na terytoryi Ukrainy (inšaj, čym Rasija ci Biełaruś, krainy;
- Dakumienty, jakija paćviardžajuć prava ŭłasnaści na žyllo, jakoje źjaŭlajecca miescam pastajannaha pražyvańnia nie ŭ Rasii abo Biełarusi, abo doŭhaterminovaja damova arendy;
- Paśviedčańnie ab šlubie z rezidentam krainy PMŽ, dakumienty ab dzieciach, jakija pastajanna pražyvajuć u krainie PMŽ razam z klijentam;
- Zajavu ab dačy dazvołu na imihracyju va Ukrainu z adpaviednymi adznakami ab jaje pryniaćci ŭpaŭnavažanymi orhanami Ukrainy (padadzienaja da 24.02.2022).
- Inšyja dakumienty, jakija mohuć paćvierdzić miesca pastajannaha pražyvańnia, adroznaje ad Rasii abo Biełarusi.
Sam ajcišnik mahčymaści ŭsio heta sabrać i pradstavić dla siabie nie bačyć i ŭ dumkach z hrašyma ŭžo raźvitaŭsia. Ale rad byŭ by pačuć pra historyi sa stanoŭčym vynikam.
Pozitivnyje riešienija jesť kak po fiźlicam-hraždanam RB, tak i po jurlicam, vładielcy kotorych hraždanie RB. Rassmotrienije obraŝienija zanimajet około 30 dniej. Obraŝienije možno priedostaviť po počtie v bumažnom vidie ili na elektronnuju počtu SBU.
Jeśli komu-to intieriesno čto napisať v obraŝienii, kak oformiť i podať jeho, to počitajtie moju staťju https://minfin.com.ua/blogs/advokattaras/192937/. Jeśli jesť voprosy/nužna pomoŝ, pišitie v Telegram @taraslawyer.