Fota: AP
Ministry zamiežnych spraŭ Irłandyi, Litvy i Niderłandaŭ zajavili, što Jeŭrapiejskaja kamisija prapracoŭvaje mahčymaść uviadzieńnia naftavaha embarha ŭ dačynieńni da Rasii. Pry hetym, pavodle ich, kančatkovyja rašeńni nie pryniatyja, piša «Radyjo Svaboda».
Jak piša Financial Times, siarod krain ES zachoŭvajucca roznahałośsi ŭ pytańni ab embarha, bo niekatoryja ź ich, takija jak Bałharyja, amal całkam zaležać ad rasijskaj nafty. Vienhryja ŭžo zajaviła, što nie padtrymaje takoje embarha. FT piša, što šerah krain i palitykaŭ bajacca dalejšaha rostu cen na enierhanośbity.
Aficyjna pytańnie ab naftavym embarha ŭ paradak dnia nie ŭklučyli.
Raniej embarha ŭviali ZŠA i Vialikabrytanija, jakija spažyvali značna mienš rasijskaj nafty, čym ES.
ES užo uvioŭ piać pakietaŭ sankcyj u dačynieńni da Rasii i Biełarusi, pad ich padpali bolš za 1000 rasijskich jurydyčnych asob i cełyja haliny ekanomiki. Apošni pakiet zabaraniŭ impart vuhalu z Rasii i ŭjezd na terytoryju ES rasijskaha hruzavoha transpartu.
