Vajskoviec admoviŭsia ŭdzielničać u vajnie, pakolki pravioŭ siem miesiacaŭ u kamandziroŭcy ŭ Siryi i raźličvaŭ na reabilitacyjny adpačynak. Ale paśla viartańnia ŭ Rasiju, kaža Hrabianiuk, vajskoŭca vyrašyli adpravić na «śpiecyjalnuju vajennuju apieracyju» va Ukrainie.
Pry zvalnieńni z 136-j asobnaj motastrałkovaj bryhady z dysłakacyjaj u Dahiestanie va ŭlikova-pasłužnuju kartu vajskoŭca pastavili štamp, na jakim napisana: «Schilny da zdrady, chłuśni i padmanu; Admoviŭsia ad udziełu ŭ śpiecyjalnaj vajennaj apieracyi na terytoryi ŁNR, DNR i Ukrainy».
Charakterna toje, što pastaŭleny mienavita štamp, choć zvyčajna takija paznaki robiacca ŭ vajskovych biletach ad ruki. Z taho, što taki štamp admysłova vyrabili, možna mierkavać, što vypadak hetaha kantraktnika — daloka nie adzinkavy.
