«Janie ŭ SIZA pryjšła pastanova ab jaje ekstradycyi ŭ Biełaruś. Pakul jana ŭsio jašče znachodzicca ŭ pieciarburhskim SIZA-5. Advakaty buduć abskardžvać hetaje rašeńnie, ale data suda pakul nie pryznačanaja», — paviedamiŭ «Biełsatu» muž Jany Mikita Safronaŭ.
U Biełarusi Janu abvinavačvajuć pa piaci artykułach Kryminalnaha kodeksa za administravańnie telehram-čata «Viciebsk 97%», pryznanaha ŭładami ekstremisckim. Joj pahražaje da 20 hod pazbaŭleńnia voli.
24-hadovaja dziaŭčyna pierajechała ŭ Rasiju ŭ 2018 hodzie. Ź listapada 2021 hoda jana znachodzicca ŭ izalatary, tady ž SK Biełarusi adpraviŭ rasijskim siłavikam dakumienty na ekstradycyju.
Paśla aryštu Pinčuk paprasiła ab pradastaŭleńni statusu biežanca.
Heta ŭžo nie pieršy vypadak, kali Rasija vydaje hramadzian Biełarusi pa zapycie adpaviednych orhanaŭ.
