«Časta prychodziać pacyjenty i kažuć: my čuli, što jość takaja terapija, pry jakoj možna paŭvodzić u arhanizm leki i ŭ nas projdzie alerhija. Tak, jana isnuje. Pacyjenty ličać, što jana dapamahaje ad luboj alerhii. Kali ŭ vašaha susieda reakcyja na pyłok, jon lečycca takim sposabam i ŭsio dobra, zusim nie fakt, što kankretna vašamu dziciaci stanie lepš. Hetaja terapija nie ŭsim dapamahaje. Kab na jaje pajści, treba poŭnaje daabśledavańnie arhanizma i pravilny padbor alerhienaŭ. Univiersalnaha preparatu niama», — raskazała Śviatłana Harochavik.
Kali vyvučyć pytańnie alerhienaŭ pahłyblena, my hladzim na malekularnuju kletku, a nie na sam alerhien. Kali ŭ dziciaci alerhija na biarozu i jana vyjaŭlajecca za košt hałoŭnych mažornych kletak, tady možna palačyć hetu patałohiju. Kali ŭ pacyjenta pyłkovaja alerhija za košt prafilinu, jakija b ciažkija prajavy ŭ jaho ni byli, efiektu nie budzie, a ŭ najhoršym vypadku — situacyja jašče bolš uskładnicca.
Dapuścim, my naznačajem pacyjentu ŭkoły abo kropielnicy vyznačanym preparatam. U pieršy hod jon kaža, što stanoŭčaj dynamiki nie nazirajecca, jak byli skarhi, tak i zastalisia. My jaho supakojvajem, što imunny fon u kožnaha svoj i kamuści patrabujecca bolš praciahły pieryjad praviadzieńnia hetaj pracedury.
Lečym druhi hod, a jon prychodzić i kaža: stała značna horš, čym było. U hetym vypadku doktar nie pavinien admianiać lačeńnie. Kali ŭ pieršy hod u pacyjenta nie nazirajecca pazityŭnaj tendencyi, heta nie śviedčyć pra toje, što terapija nie padychodzić. Usio mianiajecca. Łabaratorna-dyjahnastyčnaja baza pašyrajecca i stanovicca zrazumieła, čamu kamuści dapamahała, a kamuści nie», — rastłumačyła alerhołah.
Pajści na takuju surjoznuju i praciahłuju terapiju pahodzicca nie kožny. Kurs lačeńnia składaje minimum ad 3 da 5 hadoŭ.
«Raniej my havaryli, što jana pravodzicca raz u žyćci, ciapier usio zaležyć ad imunnych błakujučych kletak. Heta značyć, što pracedura moža spatrebicca paŭtorna praz 15-20 hadoŭ. Schadzicie da doktara, zdajcie śpiecyfičnyja analizy. Niama załatoha standartu ŭ lačeńni alerhienami, jakija taksama źjaŭlajucca lekam. Kankretna vam heta moža nie padyści», — źviarnuła ŭvahu Alena Harochavik.
«Byvaje, što klinična pacyjentu stanovicca lepš, ale pa daśledavańni kletak vidać, što hetaha niedastatkova. Tut nie treba vyklučać psichasamatyku: pacyjent moža prymać płaceba i havaryć, što jamu stała lepš, a pa kletkach efiektyŭnaść nulavaja. Nu, niachaj prymaje», — reziumavała jana.
