Na adrestaŭravanaj stancyi maskoŭskaha mietro «Kurskaja-Kalcavaja» adnoŭlenyja nadpisy, što prasłaŭlajuć Stalina.
Stancyja Kurskaja-Kalcavaja pabudavanaja ŭ 1949 hodzie. Hod tamu jana była začynienaja na ramont, a 25 žniŭnia iznoŭ adkryłasia. Jak padkreślivajuć rasiejskija krynicy «adrestaŭravanyja skulptury, lustry, taršery, adnoŭleny arnamient». Ale «niama viadomaj maskvičam pa fatahrafijach skulptury Iosifa Stalina. Jana była stračanaja pad kaniec 50-ch hadoŭ.»
Niahledziačy na hetaje, słovy sa stalinskaha himnu vyhladajuć, jak novyja.
Letaś Iosif Stalin zaniaŭ treciaje miesca ŭ rasiejskim konkursie «Imia Rasiei».
U Biełarusi imia Stalina peŭnyja siły taksama sprabujuć reabilitavać. Hetak, pad Mienskam zbudavany kompleks «Linija Stalina», kudy siłkom voziać školnikaŭ.
Miž tym, u adnoj Biełarusi ŭ vyniku stalinskich represij paciarpieli jak najmienš 600 tysiač čałaviek, ź ich prynamsi 200 tysiačaŭ byli zamučany. Akramia taho, biazdarnaje i tyranskaje kiraŭnictva Stalina pryviało da žudasnych ludskich achviaraŭ u časie Druhoj suśvietnaj vajny, kali Biełaruś straciła kala 1,5 miljona svaich hramadzianaŭ zabitymi.
