U Viarchoŭnym sudzie Biełarusi ŭ zakrytym režymie praciahvajecca sudovy praces pa spravie byłoha prakurora Minskaj vobłaści Michaiła Śniehira i byłoha hienieralnaha dyrektara AAT «Zabudova» Michaiła Kudziełki.
Jak paviedamiŭ BiełaPAN Anatol Šapialevič, advakat byłoha prakurora vobłaści, abvinavačvanyja sudom užo dapytanyja. Ciapier sud zasłuchoŭvaje śviedak, jakich kala sta.
Praces pačaŭsia 10 žniŭnia i prachodzić kožny dzień, aprača vychadnych, z udziełam Michaiła Śniehira i Michaiła Kudziełki, skazaŭ advakat.
Jak BiełaPAN paviedamlaŭ raniej, kryminalnaja sprava ŭ dačynieńni da Michaiła Śniehira Viarchoŭny sud pryniaŭ da razhladu ŭ siaredzinie červienia. Rasśledavańnie pravodziła Hienieralnaja prakuratura. Byłomu prakuroru Minskaj vobłaści pradjaŭlena abvinavačańnie ŭ złoŭžyvańni słužbovymi paŭnamoctvami, chabarnictvie, zachoŭvańni bojeprypasaŭ. Sprava naličvaje bolš jak 38 tamoŭ. Michaił Kudziełka abvinavačvacca ŭ dačy chabaru byłomu prakuroru Minskaj vobłaści.
0
0
0
0
0
0
