Siońnia ŭ Minsku adbyłosia raźvitańnie ź pieršym kiraŭnikom niezaležnaj Biełarusi. Praścicca sa Stanisłavam Šuškievičam pryjšła vielizarnaja kolkaść ludziej: la staličnaha archikatedralnaha kaściołu vystraiłasia daŭžeznaja čarha.
Adnak siarod tych, chto pryšoŭ pravadzić palityka ŭ apošni šlach, nie znajšłosia pradstaŭnikoŭ ŭłady, jak i viankoŭ ad ich.
Stanisłava Šuškieviča pachavajuć u Minsku na Paŭnočnych mohiłkach blizka da matuli. Jak raspavioŭ syn palityka, pieršapačatkova administracyja ŭstanovy admoviła rodnym u hetym žadańni, niahledziačy na najaŭnaść vykuplenych siamjoj miescaŭ. Adnak paśla dazvoł na pachavańnie ŭsio ž byŭ atrymany.
Adznačym, što na tych ža Paŭnočnych mohiłkach pachavany aktyvist i patryjot Biełarusi Raman Bandarenka, źbity da śmierci ajčynnymi siłavikami.
