Pra heta paviedamiŭ daradca mera horada Piatro Andruščanka. «Horad pieratvaryŭsia ŭ sucelnyja mohiłki. Lutaść. Prosta lutaść», — napisaŭ jon u siabie ŭ Telehramie.
«Praz admovu miascovych źbirać i pakavać cieły zahinułych, MNS Rasii pakinuła miesca rabot. Smurod čujecca ŭ mnohich kvartałach», — udakładniŭ Andruščanka.
Akramia taho, praktyčna całkam spynieny praces ekshumacyi ciełaŭ, pachavanych u dvarach žyłych damoŭ i šmatpaviarchovikaŭ. Dla pierapachavańnia treba dačakacca čarhi, asabista pryvieźci cieła ŭ morh. Pry hetym treba zrabić vyhlad, što cieła tolki vyjaŭlenaje abo treba pahadzicca na kamieru, što svajak byŭ zabity ŭkrainskaj armijaj.
Raniej ukrainskija haradskija ŭłady Maryupala kazali, što ŭ vyniku rasijskaj asady mahli zahinuć da dziasiatkaŭ tysiač žycharoŭ, a horadu i vakolicam z-za šmatlikich pachavańniaŭ pahražaje ekałahičnaja katastrofa.