Alaksandr Špakoŭski. Skrynšot ź videa
Niekalki tysiač biełarusaŭ vykazali žadańnie dałučycca da dobraachvotnickich adzinak pry ŭkrainskaj armii. Niekalki socień ź ich užo vajujuć. Šeść biełarusaŭ zahinuli ŭ bajach z rasijskimi intervientami. Bolšaść ź lehijanieraŭ, ź jakimi havaryli ŚMI, nie chavajuć, što ŭsprymajuć vajnu za niezaležnaść Ukrainy jak etap da vyzvaleńnia Biełarusi ad łukašyzmu.
U svaim telehram-kanale źviazany ź biełaruskimi siłavymi strukturami palitołah Alaksandr Špakoŭski vykazaŭ zaniepakojenaść adnosna budučych dziejańniaŭ biełaruskich farmavańniaŭ va Ukrainie. Ën dapuskaje, što Zachad z metaj źviaržeńnia «kanstytucyjnaha ładu ŭ Biełarusi» pojdzie na Biełaruś vajnoj.
«Ciapier na fonie bajavych dziejańniaŭ va Ukrainie raspaŭsiudžvańniu pažaru na Biełaruś nichto nie ździvicca», — piša Špakoŭski.
Ën nizka aceńvaje patencyjał svaich suajčyńnikaŭ.
«Nijaki bataljon Kalinoŭskaha vojskam uvarvańnia nie stanie, — piša Špakoŭski. — Navat kali zachodnija raźviedki pračešuć usiu biełaruskuju palityčnuju emihracyju, to naskrabuć maksimum tysiačy dźvie bajevikoŭ, jakija paśla paskoranych kursaŭ navučańnia buduć prydatnyja tolki dla palicejskich funkcyj. Naturalna, z troch napramkaŭ buduć zachodzić SSA (siły śpiecyjalnych apieracyj, — NN) susiednich krain, jakich lehiendujuć pad «biełaruskich dobraachvotnikaŭ». Mienavita tamu miedyjny składnik, pijar, zjaŭlajucca asnoŭnaj zadačaj t. zv. kalinoŭcaŭ va Ukrainie. Da momantu ahresii śviet pavinien viedać, što ŭ biełaruskaj apazicyi jość vajskovy składnik», — piša Špakoŭski.
Palitołah ličyć, što ad takoha scenaryja łukašenkaŭcaŭ baronić rasijski jadzierny parason.
«Rasijskija kalehi całkam kankretna zajaŭlajuć: u vypadku ahresii suprać Biełarusi, u tym liku hibrydnaj, pa Varšavie (mienavita pa polskaj stalicy), — padkreślivaje Špakoŭski, — budzie naniesieny jadzierny ŭdar. Tamu palakam rekamienduju zadumacca. Budziecie potym nyć i płakać. Jak u 1939-m».
Bataljon Kalinoŭskaha stanovicca pałkom
Farmirujucca dźvie biełaruskija ŭzbrojenyja hrupy, jakija bačać svajoj metaj vyzvaleńnie krainy
«Jak vyzvalim Ukrainu, pojdziem vyzvalać Minsk». Wall Street Journal apublikavaŭ vialiki artykuł pra dobraachvotnikaŭ va Ukrainie
