U Biełarusi zarehistravali tavarny znak i łahatyp, jaki vielmi nahadvaje simvał viadomaj sietki restaranaŭ chutkaha charčavańnia KFC, piša belretail.by.
Kampanija «Bieł Fud servis», jakaja pradstaŭlaje ŭ Biełarusi brend KFC, u sakaviku zarehistravała tavarny znak i łahatyp BFC. Zajava ab rehistracyi apublikavanaja na sajcie Nacyjanalnaha centra intelektualnaj ułasnaści.
Raniej KFC zajaviŭ ab prypynieńni inviestycyj u rasijskuju sietku restaranaŭ, a potym i ab sychodzie z rasijskaha rynku. Płanavałasia, što ŭ Biełarusi sietka praciahnie pracavać.
Całkam vierahodna, kampanija rychtujecca praciahnuć pracu pad novym brendam u vypadku sychodu KFC ź Biełarusi. Ale nie abaviazkova. Sprava ŭ tym, što nadpis BFC jość na aktualnym łahatypie «Bieł Fud servis». Całkam mahčyma, kampanija choča źmianić jaho.
