Z 2013 hoda ŭ jakaści advakata jana abaraniała hramadzian i arhanizacyi ŭ sudach. Z 2020 hoda Śviatłana Babincava abaraniała biełarusaŭ pa palityčna matyvavanych administracyjnych i kryminalnych spravach.
Jana ŭžo pačała sumiesnuju pracu z narodnymi pasolstvami, pradstaŭnikami dyjaspary, hramadzianskaj supolnaści i pravaabarončych arhanizacyj. Dziakujučy hetamu, Śviatłana Babincava budzie akazvać jurydyčnuju dapamohu biełarusam u zamiežnych krainach i pravodzić kansultacyi ź biełarusami ŭnutry krainy, paviedamlaje pres-słužba Śviatłany Cichanoŭskaj.
Čym jana budzie zajmacca
Śviatłana Babincava budzie kaardynavać pracu ŭ pytańniach univiersalnaj jurysdykcyi i iskaŭ suprać pradstaŭnikoŭ režymu, jakija majuć dačynieńnie da parušeńnia pravoŭ čałavieka. Taksama jana budzie pracavać ź dziaržaŭnymi i pravaabarončymi arhanizacyjami pa mižnarodnych miechanizmach, a taksama raspracoŭvać reformy pravavych i instytucyjnych miechanizmaŭ abarony pravoŭ i svabod u adpaviednaści z Kanstytucyjaj i mižnarodnymi abaviazacielstvami Biełarusi.
Jana budzie pracavać nad prajektami zakonaŭ ab adnaŭleńni pravoŭ asudžanych pa palityčnych pryčynach biełarusaŭ. Heta nie tolki Akt reabilitacyi, ale i ŭniasieńnie źmianieńniaŭ u kryminalnaje zakanadaŭstva Biełarusi.