tengrinews.kz
Jak paviedamiŭ na bryfinhu staršynia CVK Nurłan Abdziraŭ, jaŭka na refierendumie skłała 68,06%. Na ŭčastki pryjšli 8 młn vybarščykaŭ z 11,7 młn uniesienych u śpisy, paviedamlaje reform.by.
Za źmianieńnie Kanstytucyi prahałasavali 77,18% abo 6,16 młn čałaviek.
Suprać źmieny asnoŭnaha zakona vystupili 18,66% vybarščykaŭ, abo 1,49 młn čałaviek.
Prajekt Kanstytucyi praduhledžvaje zabaronu na śmiarotnaje pakarańnie, členstva ŭ palityčnych partyjach dla prezidenta, sudździaŭ, členaŭ CVK, siłavikoŭ i niekatorych inšych katehoryj słužačych. U im dekłarujecca, što ziamla, jaje nietry i pryrodnyja resursy naležać narodu, a nie dziaržavie, jak raniej. Dziaržava ad imia naroda ažyćciaŭlaje prava ŭłasnaści.
Paŭnamoctvy prezidenta skaračajucca. Uvodzicca pramaja zabarona na zajmańnie dziaržaŭnych pasad i publičnych pasad dla jaho najbližejšych svajakoŭ. Vybary ŭ Kazachstanie buduć prachodzić pa źmiašanaj sistemie: 70% parłamienta buduć abiracca pa partyjnych śpisach, astatnija — u indyvidualnych akruhach. Usiaho ŭ Kanstytucyju prapanavana 56 papravak, jany zakranajuć tracinu artykułaŭ.
U vyniku Kazachstan pavinien pieratvarycca z supierprezidenckaj Respubliki ŭ prezidencka-parłamienckuju.
