Fota: BiełTA
Łukašenka raspavioŭ, što pad «modnaj šyldaj» niedziaržaŭnych arhanizacyj pa abaronie sabak i katoŭ «padkidvali palityčna anhažavanych ludziej».
«I voś jany vypluchnułasia ŭ šerahu pieršych u 2020 hodzie. Heta značyć, z-za našaha paturańnia, usich nas z vami, i mianie ŭ tym liku. Uźnikli voś takija małyja astraŭki ŭ našym hramadstvie, jakija absarbavali da siabie ŭsio toje, suprać čaho my pavinny byli zmahacca. Nu i atrymali», — vykłaŭ jon abstanoŭku sabranym na mierapryjemstva čynoŭnikam.
Ciapier, pa jaho słovach, usich treba začyścić. Zrabić heta treba va ŭmovach pałajučaha vostrava.
«Dobra, što ciapier praces pajšoŭ žorstka. Ja chacieŭ by, kab ułada razumieła, što hramadstva pavinna być začyščanaje ad hetych niahodnikaŭ. Usie pavinny pajści pracavać, prybiracca i napružvacca dla taho, kab zachavać mir i spakoj voś na hetym astraŭku. Heta ŭžo astravok, Biełaruś. Vy što, nie razumiejecie hetaha. Vakoł usie pałaje. Dzieści idzie vajna haračaja, a dzieści pakul častka hibrydnaj vajny, źviazanaja sa srodkami masavaj infarmacyi, ekanomikaj i hetak dalej. Usio pałaje vakoł. Nam spakoju nie daduć. A my pavinny abapiercisia i vystavić», — skazaŭ jon.
Łukašenka taksama adznačyŭ, što miascovyja ŭłady pavinny bačyć inicyjatyvy hramadzian, adhukacca na ich, kab tyja nie chadzili ŭ «anhažavanyja NKA». U cełym ža, u jaho razumieńni, hramadzianskaja supolnaść pavinna być partnioram dziaržavy, a nie znachodzicca ŭ apazicyi jamu. Tamu praca hramadzianskaj supolnaści budzie ŭrehulavanaja ŭ zakonie. U pryvatnaści, zabaroniać finansavańnie niedziaržaŭnych struktur z-za miažy.
«Najbolš aŭtarytetnyja subjekty, jakija buduć adpaviadać patrabavańniam zakona «ab hramadzianskaj supolnaści», pavinny buduć stać arhaničnaj častkaj Usiebiełaruskaha narodnaha schodu. Heta važnaja zadača na najbližejšuju pierśpiektyvu», — skazaŭ jon.
