10 červienia Pucin zajaviŭ, što Piotr I nie zavajoŭvaŭ čužyja ziemli, a «viartaŭ» svaje. «Tam, dzie Pieciarburh zasnavany — jon kali zakłaŭ novuju stalicu, ni adna z krain Jeŭropy nie pryznavała hetuju terytoryju za Rasijaj, usio pryznavali jaje za Šviecyjaj. A tam spradvieku naraŭnie ź fina-uhorskimi narodami žyli słavianie, pryčym terytoryja znachodziłasia pad kantrolem rasijskaj dziaržavy. Toje ž samaje i ŭ zachodnim kirunku. Heta tyčycca Narvy — jaho pieršych pachodaŭ. Čaho jon palez-ta tudy? Viartaŭ. I ŭmacoŭvaŭ. Voś što rabiŭ», — zajaviŭ Pucin.
U svaim vystupie ŭ dzień 350-hodździa z dnia naradžeńnia Piatra I Pucin nie zhadvaŭ vajnu suprać Ukrainy, ale, šyroka ŭśmichajučysia, pravioŭ paralel sa svajoj siońniašniaj palitykaj: «Nu, sudziačy pa ŭsim, na našu dolu taksama, značyć, vypała viartać i ŭmacoŭvać».
U paviedamleńni MZS Estonii havorycca, što va ŭmovach, kali Rasija pravodzić svaju revanšysckuju palityku pad sousam ideałohii «Ruskaha śvietu» praz razbureńnie ŭkrainskaj dziaržaŭnaści i nacyi, takija słovy zusim nieprymalnyja.
Čamu Pucin nie Piotr I
