Ankietavańnie dev.by siarod ajcišnikaŭ fiksuje pavyšanuju cikavaść da pierajezdu ź Biełarusi.
Pa danych apošniaha vialikaha ankietavańnia (zvyš za 5000 udzielnikaŭ), praviedzienaha ŭ červieni 2022, chvala emihracyi paśla 24 lutaha ŭžo bolšaja, čym chvala 2020-2021 hadoŭ: 22,7% (było — 15,8%) udzielnikaŭ adkazali, čto ŭžo źjechali.
Apošnija miesiacy pra masavy rełakiejt kažuć krynicy ŭ bujnych biełaruskich IT-ofisach: Wargaming (u suviazi z poŭnym zakryćciom kampanii ŭ Biełarusi), EPAM, Exadel, iTechArt i Itransition, Playtika i inšyja.
Na adtok śpiecyjalistaŭ ź IT-siektara Biełarusi ŭkazvaje statystyka najmu i zvalnieńniaŭ. Za studzień—krasavik 2022 hoda ź IT-kampanij zvolniłasia bolš za try tysiačy čałaviek — na pałovu bolš, čym pracaŭładkavałasia.
Narešcie, fakt adjezdu ajcišnikaŭ paśla pačatku vajny va Ukrainie pryznali ŭłady Biełarusi — z ahavorkami, što «ŭsio pad kantrolem» i PVT pa-raniejšamu pakazvaje dobryja vyniki.
Kab padličyć prykładnuju kolkaść rełakantaŭ, žurnalisty źviarnulisia da dvuch typaŭ infarmacyi:
- statystyka pa kolkaści atrymanych viz (u tym liku śpiecyjalizavanych viz dla ajcišnikaŭ) i/ci biełarusaŭ, jakija ŭjechali, u tuju ci inšuju krainu za peŭny pieryjad,
- uskosnyja danyja (časta prykładnyja):
— ličby, atrymanyja ad ananimnych krynic u bujnych kampanijach;
— kolkaść udzielnikaŭ ekspackich čataŭ u roznych krainach;
— pamier zamiežnych ofisaŭ biełaruskich kampanij;
— ankiety dev.by.
Žurnalisty zrabili padliki dla najbolš papularnych siarod rełakantaŭ miescaŭ. Voś ich vysnovy adnosna źjechaŭšych IT-śpiecyjalistaŭ:
Polšča — 8-10 tysiač;
Ukraina — 2-4 tysiačy;
Hruzija — 2-4 tysiačy;
Uźbiekistan — da 2,5 tysiačy;
Litva — da 2-3 tysiač.
Takim čynam, pa padlikach dev.by, z vosieni 2020 hoda Biełaruś mahli pakinuć ad 16 da 23 tysiač ajcišnikaŭ.
Pravieryć dakładnaść hetych padlikaŭ pakul niemahčyma.