«Hety praces zapuščany (…). Ničoha dziŭnaha ŭ tym, što ciapier hetyja adnosiny adsutničajuć. Ale my nikoli nie začyniajemsia. Skažu tolki, što z hetaha času i nadalej ni amierykancam, ni ES my vieryć nie budziem, my budziem rabić usio nieabchodnaje, kab nie zaležać ad ich u krytyčna važnych halinach», — zajaviŭ Łaŭroŭ.
Pra žaleznuju zasłonu skazaŭ žurnalistam i Uładzimir Makiej.
«Abrysy žaleznaj zasłony ŭžo nie tolki majačać na haryzoncie. Faktyčna padmurak jaje ŭžo ŭźviedzieny. U tym liku i ŭ fizičnym sensie, kali my voźmiem stvareńnie ściany, jakaja padzialaje Biełaviežskuju pušču. Palityčnyja kantakty abmiežavanyja, źviedzieny na ništo. U handlova-ekanamičnaj śfiery na nas akazvajecca sankcyjny cisk, razryvajucca stvoranyja dziesiacihodździami suviazi. Navat u tym, što tyčycca adnosin pamiž hramadzianami, taksama ciapier nijakich kantaktaŭ niama z ulikam taho, što abmiežavanaja łahistyka ŭzajemadziejańnia. Zakrytaja pavietranaja prastora dla palotaŭ biełaruskich i rasijskich kampanij. Tamu žaleznaja zasłona siońnia budujecca ŭžo samimi zachodnikami», — skazaŭ ministr.
Hienieralny sakratar NATA Jens Stołtenbierh na samicie NATA ŭ Madrydzie taksama paraŭnaŭ adnosiny Rasii i krain — členaŭ aljansu z časami chałodnaj vajny.
