Minskaje «Dynama» vyjhrała pieršy matč ŭ novym siezonie Kantynientalnaj chakiejnaj lihi. 14 vieraśnia haduncy Hlena Chenłana pieramahli «Sałavat Jułajeŭ» u sieryi bulitaŭ ź likam 3:2 (0:0, 2:1, 0:1, 0:0, 1:0).
Biełaruski kłub pieršym zakinuŭ šajbu. Vyznačyŭsia šviedski abaronca Jusief Bumiedźjen (20:35), halavuju pieradaču addaŭ Chanies Chiuvienien. Praz chvilinu i 56 siekund jašče adzin šviedski lehijanier «Dynama» Junas Andersan padvoiŭ lik (22:31) - 2:0. Asistavaŭ šviedu kapitan kamandy fin Vile Piełtanien.
Pry kancy druhoha pieryjada ufimcy skaracili lik, a na pry kancy treciaha pieryjada (58:08) zraŭniali. Admietna, što vyznačyŭsia Kanstancin Kalcoŭ.
Oviertajm nie vyznačyŭ pieramožcu, a pieramožnuju kropku ŭ sieryi bulitaŭ pastaviŭ usio toj ža Andersan. Varoty biełaruskaha kłuba abaraniaŭ Andrej Miezin.
Možna skazać, što trenier biełaruskaj kamandy Hlen Chenłan uziaŭ revanš u eks-treniera zbornaj Rasii Viačasłava Bykava za parazu ŭ čverćfinale čempijanatu śvietu.
***
«Dynama» nabiraje pieršyja dva bały, mienavita stolki dajecca za pieramohu ŭ oviertajmie ci pa bulitach. Ale kab vyjhrali ŭ asnoŭny čas, było b try bały. Pieršy matč u subotu minčuki prajhrali ŭ Sankt-Pieciarburhu miascovamu SKA ź likam 0:2.
Stanovišča ŭ Dyvizijonie Babrova: «Spartak» Maskva – 6 (2 hulni), «Dynama» Maskva – 4 (2), SKA – 3 (1), «Dynama» Minsk – 2 (2), CSKA – 2 (2), «Dynama» Ryha – 0 (2).
U Zachodniaj kanfierencyi «Dynama» zajmaje 10 radok z 12. Ale zhulali jašče mizer.
***
Nastupny matč «Dynama» praviadzie ŭ sieradu, 16 vieraśnia, suprać «Avanharda»,
u piatnicu, 18 vieraśnia, hulnia z kazachstanskim «Barysam».
Potym – try hulni ŭ haściach. Zatym znoŭ niekalki matčaŭ u Minsku. Pieršy ŭ Minsku – 30 vieraśnia z «Atłantam».
Da pierajezdu ŭ «Minsk-Arenu» hulni prachodziać u Pałacy sportu. Pačatak a 19-j.