Jak skazała Kałas, padčas pieramoŭ jana sama prapanavała skłaści paŭnamoctvy ŭ vypadku dasiahnieńnia damoŭlenaści ab kaalicyi. «Ja sama ŭniesła hetuju prapanovu, tamu što, kali b ja prosta pryznačała novych ministraŭ, było b šmat šumu i niezadavolenaści», — skazała jana.
Kałas dadała, što jana z partniorami pa kaalicyi choča jak maha chutčej sfarmavać novy ŭrad, ale sklikać parłamient pakul budzie składana, pakolki ŭžo pačalisia letnija vakacyi.
Pradstaŭniki troch partyj zajavili, što meta novaj kaalicyi — pavysić biaśpieku Estonii, dać ludziam pačućcio ŭpeŭnienaści ŭ zaŭtrašnim dni na fonie ahulnaha rostu cenaŭ, a taksama pierajści na jestanomoŭnuju adukacyju.
Partyi, jakija farmujuć kaalicyju, damovilisia pavialičyć dziciačuju dapamohu i dapamohu dla baćkoŭ-adzinočak i šmatdzietnych siemjaŭ, a taksama pavysić nieabkładany minimum. Akramia taho, budzie raspracavana reforma rynku elektraenierhii, a ŭ 2024 hodzie pačniecca pierachod daškolnaj adukacyi na estonskuju movu ŭ poŭnym abjomie.
Pieramovy pamiž partyjami kaalicyi praciahnucca ŭ vychadnyja dla ŭdakładnieńnia detalaŭ i raźmierkavańnia ministerskich partfielaŭ.
