Minski abłasny sud siońnia pačnie razhladać spravu «ab zmovie z metaj zachopu dziaržaŭnaj ułady» ŭ budynku Minskaha rajonnaha suda. Fihurantami pa spravie prachodziać Juryj Ziankovič, Alaksandar Fiaduta, Ryhor Kastusioŭ, Volha Hałubovič i Dzianis Kraŭčuk.
Stała viadoma, što spravu budzie razhladać sudździa Uładzimir Areška.
Praces budzie prachodzić u zakrytym režymie.
Ziankovič abvinavačvajecca pa č. 1 art.357 KK (zmova z metaj zachopu dziaržaŭnaj ułady niekanstytucyjnym šlacham), č. 1 art. 361-1 KK (stvareńnie ekstremisckaha farmavańnia i kiraŭnictva im), č. 3 art. 361 KK (publičnyja zakliki da zachopu dziaržaŭnaj ułady), č. 3 art. 130 KK (raspalvańnie sacyjalnaj varožaści).
Fiaduta i Kastusioŭ — pa č. 1 art. 357 KK (zmova z metaj zachopu dziaržaŭnaj ułady niekanstytucyjnym šlacham).
Hałubovič i Kraŭčuk — pa č. 1 art. 342 KK (aktyŭny ŭdzieł u hrupavych dziejańniach, jakija hruba parušajuć hramadski paradak).
