U kancy lipienia 2022-ha Kiryła znajšli. Jon zahinuŭ, napisała Natalla na svajoj staroncy ŭ Fejsbuku, paviedamlaje «Zierkało».
Padrabiaznaściaŭ taho, jak znajšli Kiryła, pakul niama. Pa infarmacyi «Zierkała», zahinułaha chłopca vyjavili ŭ Smalavickim rajonie. U Fejsbuku maci Natalla napisała, što «jon na niebie».
Nahadajem, Kiryłu Koškinu było 24 hady. U chłopca — aŭtyzm. Niahledziačy na heta, jon zmoh atrymać vyšejšuju adukacyju (jon biblijohraf) i ŭładkavacca ŭ tavarystva invalidaŭ. 30 listapada Kirył, jak i naležyć, adpracavaŭ da 16.00, a zatym pavinien byŭ viarnucca dadomu. Ale ŭ kvatery tak i nie źjaviŭsia. U hadzinu nočy maci patelefanavała ŭ milicyju.
Śledčyja ŭstanavili: uviečary 30 listapada chłopiec byŭ u rajonie mietro «Mahiloŭskaja». Apošni raz jaho zafiksavała kamiera ŭ 19.00. Zdaryłasia heta na AZS «Biełarusnafta» na vyjeździe ź Minska. Na hetym dakładnaja infarmacyja pra miescaznachodžańnie maładoha čałavieka abarvałasia.
