Momant trapiŭ na videa
Usio adbyłosia ŭviečary 31 lipienia ŭ rajonie vulicy Žołudzieva. Incydent trapiŭ na kamiery videanazirańnia: na kadrach vidać, jak kala padjezda mužčyna biez bačnych pryčyn bje kaciania nahoj. Kryki žyvioły čuli mnohija susiedzi, a ranicaj jaje znajšli miortvaj.
«Na dniach da nas źviarnulisia žychary adnaho sa šmatpaviarchovych damoŭ horada, pa kamierach videanazirańnia jany ŭbačyli, jak ich susied vielmi žorstka šturchnuŭ maleńkaje kaciania, i jany źviarnulisia da nas pa dapamohu. Prahledzieŭšy hetaje videa, my nie zmahli prajści mima i, naturalna, adhuknulisia na zaklik ab dapamozie, była napisanaja zajava ŭ milicyju, pa hetym fakcie budzie raźbiralnictva», — raspaviała pradstaŭnik zoaabarončaj arhanizacyi «Vałkavita» Alesia Kasadžyk.
Susiedzi chutka apaznali kryŭdziciela žyvioły i pieradali infarmacyju pra jaho miascovym vałancioram. U milicyi taksama prakamientavali situacyju: na ciapierašni momant asoba mužčyny ŭstanaŭlivajecca, pravodzicca pravierka, jakaja skončycca administracyjnaj abo kryminalnaj spravaj.
