Frahmient ekspazicyi vystavy «Bieły-čyrvony-bieły»ŭ Varšavie. Fota: gov.pl
Usiaho na konkurs było dasłana 243 pracy. Aŭtary bolšaści ź ich — polskija aŭtary, što śviedčyć pra toje, što choć nam časam i zdajecca, nibyta pra našu biadu ŭ inšych krainach zabylisia, całkam pieraklučyŭšysia na Ukrainu, heta zusim nie tak.
Dva polskija aŭtary vyjhrali pieršyja miescy.
Pieramožca konkursu Kamil Skšypiec raskazaŭ Reform.by, što heta nie pieršy jaho tvor na temu biełaruskaj revalucyi.
«Tema adsutnaści svabodnaha vybaru i svabody słova ŭ Biełarusi vielmi mianie chvaluje, — pryznaŭsia jon. — Ja sprabuju asensavać, u jakim stanie apynulisia hramadzianie hetaj krainy. Niahledziačy na toje, što nas padzialaje peŭnaja adlehłaść, ja b chacieŭ, kab maje susiedzi adčuli našu padtrymku ŭ ruchu da svabody. Z samaha pačatku ja chacieŭ, kab płakat pakidaŭ prastoru dla razvažańniaŭ i nie imknuŭsia być ahresiŭnaj acenkaj temy. Maja praca — ščyraje pažadańnie i padtrymka hramadstvu Biełarusi ŭ ciažkaj baraćbie za svabodu. Mnie b vielmi chaciełasia, kab vašy mary spraŭdzilisia».
Płakat Kamila — heta łakaničnaje paviedamleńnie, składzienaje z dapamohaj movy znakaŭ. Zrezanaja — jak lazom — ličba 2020, zrušany 2022-y, dźvie ličby ŭtvarajuć serca, pavodle aŭtara — heta ruch da serca, to-bok da svabody, da lubovi, da pavahi ŭ dačynieńni da inšaha čałavieka. Mova płakatu jasnaja i vyraznaja, zbudavanaja na pryhožaj vizualnaj hulni.
Kamil Skšypiec. «Biełaruś 2020−2022»: 1 miesca
Druhoje miesca zaniaŭ tvor Piatra Depta-Kleśty, vybrany pavodle vyrazna aformlenaha tekstavaha paviedamleńnia. Faktyčna heta skaz, napisany ź imitacyjaj rukapisnaha piśma: «B — jak svaboda». Chaj biełaruskaha hledača nie ŭvodzić u zman naŭmysnaja brutalnaść płakatu. Heta firmovy styl staroj polskaj škoły, to-bok taki antyaficyjozny i svabodalubivy trend.
Piotr Depta-Kleśta. «B jak svaboda»: 2 miesca
Treciaje miesca addali biełaruscy — Jaŭhienii Mužavaj, što ciapier žyvie ŭ Varšavie. Asnovaj jaje płakata stała fatahrafija, ale, u adroźnieńnie ad pieršych dvuch aŭtaraŭ, svaju pracu jana rabiła nie admysłova da konkursu.
Płakat Jaŭhienii «My nie miasa» datujecca žniŭniem 2020 hoda. Luby biełarus, pahladzieŭšy na jaho, moža zrazumieć, na asnovie jakich zdymkaŭ vyrasła heta hranična jasnaja mietafara. Siłu vobrazu ŭzmacniaje ŭśviedamleńnie taho, što na vyjavie sama aŭtarka, jaje pafarbavanaje ŭ bieły koler cieła prakreślenaje čyrvonymi linijami pa ŭzoru razrezki miasa žyvioł. Takoje kalektyŭnaje sełfi brutalnych časoŭ.
Jaŭhienija Mužava. «My nie miasa»: 3 miesca
Adkrytaja ekspazicyja budzie pracavać da 4 vieraśnia na aharodžy parku Karaleŭskich Łazienak u Varšavie z boku Ujazdoŭskich alej.
a mnie dyk asabliva "prykolna"
heta ŭsio bačyć.. kali chto ŭ temie