Da matču my rychtujemsia z dobrym nastrojem, u nas jość mabilnaja vyjhryšnaja sieryja ŭ nacyjanalnym pieršynstvie. I my ź nieciarpieńniem čakajem pačatku matču z «Eviertanam».
Pra heta hałoŭny trenier BATE Viktar Hančarenka zajaviŭ na pres‑kanfierencyi ŭ Minsku 30 vieraśnia.
«My dastatkova majem infarmacyi pra supiernika. Tak, trenier Vadzim Skrypčanka naviedaŭ subotni matč «Eviertana» z «Portsmutam», — skazaŭ hałoŭny trenier BATE. Spadar Hančarenka nazvaŭ livierpulskuju kamandu mocnaj i siłavoj, što, u adroźnieńnie ad «Bienfiki», zdolnaja jakasna hulać doŭhi pas.
Hałoŭny trenier znoŭ vykazaŭ škadavańnie, što biełaruskija ŚMI pa-raniejšamu bolš nadajuć uvahi supiernikam, čym barysaŭskamu kłubu, choć heta i možna zrazumieć. Ź inšaha boku
«U Jeŭropie jak nie było intaresu da našaj kamandy, tak i niama».
«Ja chaču, kab jak maha bolš infarmacyi było pra biełaruskich futbalistaŭ. Ja upeŭnieny, što naš Siarhiej Kryviec kudy cikaviejšy, čym [hulec «Eviertana] Dzinijar Bilaletdzinaŭ».
Siarhiej Kryviec, što braŭ udzieł u pres‑kanfierencyi, adznačyŭ, što ŭ minułym siezonie, kali BATE startavaŭ u Lizie čempijonaŭ, usio było ŭ pieršy raz. «Ciapier kamanda maje peŭny dośvied, ciapier my bolš spakojna stavimsia da supiernika».
Siarhiej Kryviec zaznačyŭ, što choča zabić pabolej miačoŭ, pryčym lubomu supierniku, a zadača BATE vyjści ŭ nastupny raŭnd Lihi Jeŭropy.
Viktar Hančarenka, reziumujučy vyniki pres‑kanfierencyi, padkreśliŭ, što vielmi važna, kab jak maha bolej ludziej pryjšło na stadyjon:
«Chaciełasia b, kab biełaruskija futbalisty vystupali pry poŭnych trybunach».
***
Matč 2‑ha turu hrupavoha turniru futbolnaj Lihi Jeŭropy BATE - «Eviertan» projdzie 1 kastryčnika (čaćvier) na minskim stadyjonie «Dynama». Pačatak a 20‑j.
Prahnoz nadvorja na viečar čaćviarha nie nadta suciašalny. Da pachaładańnia dadasca pachmurnaje nadvorje, uviečary pojdzie doždž. Čakajecca +6-8 hradusaŭ ciapła.
Viktar Hančarenka na pytańnie pra kiepskaje nadvorje paryravaŭ: «My zvykłyja da ŭsiaho, navat da śniehu».
***
U pieršym tury hrupavoha turniru. 17 vieraśnia, BATE prajhrała ŭ haściach «Bienficy» ź likam 0:2, a «Eviertan» razhramiŭ u Livierpuli afinski AJEK — 4:0.
Stanovišča ŭ našaj hrupie takoje: Eviertan, Bienfika - 3, BATE, AJEK - 0.
