Heta ŭžo nie pieršy vypadak zaharańnia biełaruskich aŭtobusaŭ. Dakładna viadoma pra try papiarednija pažary. Akramia MAZaŭ, u Sankt-Pieciarburhu harać i LiAZy.
Pytańnie nadziejnaści biełaruskich mašyn abmiarkoŭvaŭ Łukašenka z hubiernataram Sankt-Pieciarburha Alaksandram Biahłovym. Toj zapeŭniŭ Łukašenku, što heta drobiazi, na jakija nie varta źviartać uvahi.
Vierahodnaj pryčynaj incydentaŭ ź biełaruskaj technikaj pravierka papiarednie nazvała niehiermietyčnaść sistemy hidrapryvada vientylatara. Vice-hubiernatar Pieciarburha Kirył Palakoŭ zajaŭlaŭ, što novyja partyi aŭtobusaŭ u dalejšym buduć praviaracca na ŭkazany defiekt.