Padpisany ŭkaz ab pamiłavańni staršyni praŭleńnia Handlovaha domu «Ždanovičy» Jaŭhiena Šyhałava.
Pra ŭkaz ab pamiłavańni žurnalistam paviedamili ŭ pravaachoŭnych orhanach.
Mahčyma, Šyhałavu daviadziecca zrabić dadatkovyja hrašovyja vypłaty. Adnak detali ŭhody nie paviedamlajucca. Pradstaŭnik prakuratury zajaviŭ, što Šyhałaŭ «kaniečnie kampiensuje naniesienuju materyjalnuju škodu».
Viadoma, što ab pamiłavańni Alaksandra Łukašenku prasiŭ i dyrektar HD «Ždanovičy» Alaksandr Ralko. Całkam vierahodna, što pamiłujuć i jaho.
Jaŭhiena Šyhałava zatrymali 5 krasavika 2008 hoda, aryštavali 7 krasavika. Jamu vystavili abvinavačańnie ŭ złoŭžyvańni słužbovymi paŭnamoctvami, jakija paciahnuli za saboj ciažkija nastupstvy ŭ vyhladzie naniasieńnia škody ekałahičnamu asiarodździu. Miełasia na ŭvazie, što jon zbudavaŭ vializny handlovy centr biez dazvołu. Jašče da aryštu Ja.Šyhałaŭ dvojčy pieranios infarkt mijakarda, apieracyju na sercy, jakuju vykanali łondanskija miedyki. U SIZA ŭ Šyhałava zdaryŭsia treci infarkt.
26 červienia jon byŭ vyzvaleny z-pad varty pad zakład 10 miljardaŭ rubloŭ. Praź niekatory čas paśla vyzvaleńnia Šyhałaŭ adpraviŭsia na kansultacyju da anhielskich daktaroŭ. Viarnuŭšysia ŭ Biełaruś, jon atrymaŭ paśviedčańnie invalida druhoj niepracoŭnaj hrupy.
